မိတ်ကပ်မပါတဲ့ မိန်းကလေးကြည့်ရတာ ဆားမပါတဲ့ဟင်းတခွက်ကို စားနေရသလိုပါပဲတဲ့။ ဒါက အတွေးအခေါ်ပညာရှင် Plautus ပြောခဲ့တဲ့စကား။ တကယ်တော့ မျက်နှာအသားရေအတွက် အလှအပပစ္စည်းတွေ သုံးခဲ့ကြတာ ရှေးနှစ်ပေါင်းများစွာကတည်းက ဖြစ်ပါတယ်။ ဒီနေ့ခေတ်မှာ မိန်းကလေးတော်တော်များများ အလှအပစိတ်ဝင်စားလာကြတယ်။ ဘယ်လောက်လှပါတယ်ဆိုတဲ့ မိန်းကလေးမဆို ပါးမှာ မိတ်ကပ်ခပ်ပါးပါး လိမ်းလာကြတယ်။ မိတ်ကပ်လိမ်းတာ ပုံမှန်အားဖြင့်တော့ မခက်ပေမယ့် စနစ်တကျ ရွေးချယ်သုံးစွဲတတ်ဖို့တော့ လိုတယ်။
မိတ်ကပ်ဘယ်လို လိမ်းမလဲ
မိတ်ကပ်မလိမ်းခင် မျက်နှာ သန့်စင်အောင် အရင်ဆုံးပြုလုပ်ရပါတယ်။ မျက်နှာနဲ့ လည်ပင်းကို cleansing water နဲ့ ဂွမ်းသုံးပြီး သန့်စင်ပါ။ သန့်စင်နေတဲ့ မျက်နှာပေါ် ကျန်တဲ့အဆင့်တွေ ဆက်လုပ်သင့်ပါတယ်။
(၁) moisturizer
ပထမဆုံး မျက်နှာနဲ့ လည်ပင်းကို moisturizer တမျိုးမျိုးသုံးပါ။လိမ်းတဲ့အခါ နဖူး၊ ပါးပြင်နဲ့ မေးရိုးကို ခပ်ပါးပါးပုပ်ပေးရမယ်။ လိမ်းတဲ့အခါ အောက်က အပေါ်ဖက်၊ အတွင်းက အပြင်ဖက်ကို လိမ်းပေးရမယ်။ မျက်နှာတပြင်လုံးနှံ့အောင်လိမ်းပြီး ခဏစောင့်ပါ။
(၂) foundation
ဖောင်ဒေးရှင်းရွေးတဲ့အခါ သတိပြုရပါမယ်။ မျက်နှာကို မကြည့်ဘဲ လည်ပင်းအသားအရေနဲ့ ကိုက်ညီတာကိုသာ ရွေးချယ်ရပါမယ်။ အဲဒါမှ အသားအရောင်ချင်း ရောထွေးသွားမှာဖြစ်တယ်။ ဒီအချက်က သိပ်အရေးကြီးတယ်။ မြန်မာကားတွေမှာ မျက်နှာကြီးသိပ်ဖြူနေပြီး လည်ပင်းအသားအရေမဲနေတာ မြင်ဖူးကြမယ်။ ဒီလိုမဖြစ်အောင် ဂရုစိုက်ရမယ်။ foundationကို နဖူး၊ ပါး၊ နှာခေါင်း၊ မေးရိုး စတဲ့နေရာတွေကို တဆင့်ချင်း စနစ်တကျလိမ်းရမယ်။ လိမ်းတဲ့အခါ လက်ချောင်းကိုသုံးရမယ်။ အတွင်းက အပြင်ဖက်ကို ဆွဲပြီး လိမ်းပါ။ အောက်က အထက်ကို လိမ်းပါ။
(၃) concealer
concealer ဆိုတာ အသားအရောင် မတူညီတာကို ညှိပေး၊ဖုံးပေးတဲ့ အရည်တမျိုးဖြစ်ပါတယ်။concealer သုံးတဲ့အခါ brush စုတ်တံသေးသေးလေးကိုသာ ရွေးသုံးရမယ်။ မျက်လုံးအောက်နေရာကို အရင်လိမ်းပါ။ ပြီးရင် မေးစေ့၊ နောက်ပြီး T-zone ခေါ်တဲ့ နှာတံနဲ့ နဖူး စသည်ဖြင့် အဆင့်လိုက် လိမ်းရမယ်။ နောက်ဆုံးမှကျမှ နှာခေါင်းတဝိုက်ကို လိမ်းသင့်တယ်။ အထူးသဖြင့် ဆောင်းရာသီမှာ အသားခြောက်တတ်တာမို့ နှာခေါင်းတဝိုက်ကို သေချာလိမ်းပေးရမယ်။ concealer လိမ်းတဲ့အခါ အလွန်စိတ်ရှည်ရမယ်။ ပြောထားတဲ့နေရာတွေကို တဆင့်ချင်း လိမ်းမှသာ အသားအရောင်ညီပြီး လှပတဲ့မျက်နှာကို ပိုင်ဆိုင်နိုင်မှာဖြစ်တယ်။
(၄) eye shadow
eye shadowဆိုတာတော့ မျက်လုံးနဲ့ မျက်ခွံကြားမှာ အရိပ်ဖြစ်အောင် ကာလာချယ်တာဖြစ်တယ်။ တကယ်က မျက်တွင်းချိုင့်တဲ့ နေရာနဲ့ တသားတည်းဖြစ်အောင် ပုံဖော်ရတာပါ။ eye shadow ဆွဲတဲ့အခါ တခါတည်းအများကြီး မဆွဲရဘူး၊ layer by layer တဆင့်ချင်း ကာလာတင်ပေးရတယ်။ မျက်လုံးအောက်မှာ လိုင်းသေးသေးလေးထည့်ရင် ပိုကောင်းတယ်။ မျက်လုံးက ပေါ်လာတယ်။
(၅) mascara
mascara ဆိုတာ မျက်တောင်လိမ်းတဲ့အရည် ဖြစ်ပါတယ်။ mascara မလ်ိမ်းခင် အရည်ကို မိမိလက်ပေါ်အရင်တင်ပြီးမှာ ဘရပ်ခ်ျအမွှေးပွနဲ့ ယူပြီး လိမ်းပေးရတယ်။ စစချင်း မျက်တောင်အခြေကနေ လိမ်းပေးသင့်တယ်။ အောက်က အထက်ကို ကော့ပြီး လိမ်းပေးပါ။ နေ့ပိုင်းလိမ်းချင်သူတွေ အညိုရင့်ရောင်ကိုသာ သုံးသင့်တယ်။
(၆) eyebrow
မျက်ခုံးဆွဲတဲ့အခါ သတိပြုစရာတွေရှိတယ်။ မျက်နှာသွင်ပြင်ကို လိုက်ပြီး မျက်ခုံးမွှေးဆွဲပေးရမယ်။ ဘယ်ပုံစံမျိုး ဆွဲမလဲ အရင်စဉ်းစားပါ။ ပြီးရင် frame ချပါ။ မျက်ခုံးဆွဲတဲ့အခါ ကိုယ့်ပုံမှန်အသားရေထက် ဖျော့တဲ့ကာလာကို အရင်ဆုံး သုံးရမယ်။ ပြီးမှ ပိုမှောင်တဲ့ ကာလာ တဖြည်းဖြည်း တင်ရမယ်။ မျက်ခုံးပုံသဏ္ဌာန်အလိုက် ခပ်ပါးပါးစုတ်ချက်တွေ တချက်ချင်း ဆွဲပါ။ မျက်ခုံးဆွဲတဲ့အခါ မျက်ခုံးမွှေးဟာ ရှည်နေရမယ်။ ထင်းနေရမယ်။
ဒုတိယပိုင်းဆက်ရန်……
Credit to – ဒေါက်တာ အေးမင်းထူး

Visit Us On Facebook